1966 оны 12-р сарын 3-ны өдөр Дулааны 3-р цахилгаан станцын суурь тавигдаж, 1968 оны 12-р сарын 10-нд анхны зуух ашиглалтанд орж, нийслэл хотын албан байгуулага, орон сууцанд дулааны эрчим хүч түгээж эхэлжээ. 1968-1975 онд дунд даралтын станц баригдаж, цагт 40 ата даралттай, 75 тн уур үйлдвэрлэх хүчин чадалтай БКЗ-75-39 ФБ маркийн 6 зуух, цагт 12 мВт цахилгаан үйлдвэрлэх хүчин чадалтай ПТ-12-3510М маркийн 4 турбингенератор ашиглалтанд орж, станцын хүчин чадал цахилгаанаар 48 мВт, дулаанаар 157Гкал суурьлагдсан хүчин чадалтай боллоо. 1976-1980 онд өндөр даралтын станц баригдаж, цагт 100 ата даралттай, 220 тн уур үйлдвэрлэх хүчин чадалтай БКЗ-100-220-4С маркийн 7 зуух, цагт 25 мВт цахилгаан үйлдвэрлэх хүчин чадалтай ПТ-25-90-10М маркийн 4 турбингенератор ашиглалтанд орж, станцын суурилагдсан хүчин чадал цахилгаанаар 148 мВт, дулаанаар 485 Гкал болж нэмэгдсэн юм. 2013 оны 7-р сараас станцын хүчин чадлыг 50 мВт-аар нэмэгдүүлэх төслийг хэрэгжүүлэн, төслийн ажил дуусах шатандаа орж, шалгах, турших, тохируулах ажиллагаа хийгдэж байна. Төслийн хүрээнд С50-8,83/0,294маркийн турбин, QF-60-2 маркийн генератор, YNZT-2000 маркийн гардерин зэрэг шинэ тоноглолуудыг ажиллагаанд авснаар станцын хүчин чадал цахилгаанаар 186 мВт, дулаанаар 585 Гкал болох юм.

Үйл ажиллагаа: Тус цахилгаан станц нь

• Цахилгаан үйлдвэрлэх
• Дулаан үйлдвэрлэх
• Дулаан түгээх
• Цахилгаанаар зохицуулалттай хангах
• Дулаанаар зохицуулалттай хангах

тусгай зөвшөөрөлийн хүрээнд үйл ажиллагаа явуулж, Монгол улсын эрчим цахилгаан эрчим хүчний хэрэглээний 18% , Улаанбаатар хотын дулаан хангамжийн 40%, үйлдвэрийн технологийн уурын хэрэглээний 80%-г ханган ажиллаж байна. Станц нь технологийн хэрэглээний усыг Нисэх Сонгиноны районд байрлах өөрийн худгуудаас, нүүрсийг дан ганц Багануурын уурхайгаас хүлээн авч хэрэглэдэг. Дунд болон өндөр даралтын зуухнуудад хэт ханасан уурыг боловсруулан, турбингенераторт өгч, цахилгаан эрчим хүчийг үйлдвэрлэнэ. 35/110 киловольтын цахилгаан дамжуулах шугамаар төвийн эрчим хүчний систем ба 6 киловольтын шугамаар хэрэглэгчдэд нийлүүлж байна. Дулаацуулгын улиралд Улаанбаатар хотын дулаан хангамжийн системд 7000 тн усыг халаан өгч байна. Мөн хүнс, ноос ноолуур, арьс шир, барилгын материалын үйлдвэрлэлийн АПУ, Атар өргөө, Витавит инвест, Говь, Улаанбаатар хивс, Кашмир холдинг, Мон ит булигаар, Суурь, Хөнгөн бетон зэрэг 88 үйлдвэр, аж ахуйн газруудыг технологийн уураар ханган ажиллаж байна.

Эх сурвалж; ДЦС-3

The post Дулааны-III Цахилгаан Станц ТӨХК appeared first on Моно грид.

“ДЦС-4” ТӨХК-ийн суурийг 1979 онд тавьж,

• 1983 онд эхний агрегат 80 МВт
• 1984 онд 2 агрегат бүхий 180 МВт
• 1985 онд 3 агрегат бүхий 280 МВт
• 1986 онд 4 агрегат бүхий 380 МВт
• 1990 онд 5 агрегат бүхий 460 МВт
• 1991 онд 6 агрегат бүхий 540 МВт
• 2007, 2009 онд 20 МВт-аар тус тус нэмэгдүүлсэн.
• 2015 онд Турбоагрегат №7-г шинээр ашиглалтанд оруулж, 2019 онд Турбоагрегат №1 болон Турбоагрегат №4-г шинэчилсэнээр нийт 772 МВт цахилгаан эрчим хүчний, 1373 Гкал дулааны эрчим хүчний суурилагдсан хүчин чадалтай ажиллаж байна.

СУУРИЛАГДСАН ТОНОГЛОЛЫН ТЕХНИКИЙН ҮЗҮҮЛЭЛТҮҮД

Станцын төрөл, ангилал: Хөндлөн холбоос бүхий 8 зуух, 7 турбинтэй цахилгаан, дулаан хослон үйлдвэрлэх схемтэй.

Уурын турбин: Цагт 100 МВт цахилгаан эрчим хүч, 175 Гкал дулааны эрчим хүч үйлдвэрлэх хүчин чадалтай Т-100-130 (ОХУ) маркийн зөвхөн дулаацуулгын (отбор) авлагатай 3 турбин, цагт 100 МВт цахилгаан эрчим хүч, 220 Гкал дулааны эрчим хүч үйлдвэрлэх хүчин чадалтай ПТ-80-130 (ОХУ) маркийн үйлдвэрийн болон дулаацуулгын (отбор) авлагатай 2 турбин, мөн цагт 80 МВт цахилгаан эрчим хүч, 220 Гкал дулааны эрчим хүч үйлдвэрлэх хүчин чадалтай ПТ-80-130 (ОХУ) маркийн үйлдвэрийн болон дулаацуулгын (отбор) авлагатай 1 турбин, цагт 120 МВт цахилгаан эрчим хүч, 188 Гкал дулааны эрчим хүч үйлдвэрлэх хүчин чадалтай Т-120/130-130-8МО (ОХУ) маркийн үйлдвэрийн болон дулаацуулгын (отбор) авлагатай 1 турбин;

Уурын генератор: Цагт 500 тонн өндөр параметртэй (140 кгс/см², 560°С) уур үйлдвэрлэх хүчин чадалтай БКЗ-420-140-10С (ОХУ) маркын 6 зуух, цагт 420 тонн өндөр параметртэй (140 кгс/см², 560°С) уур үйлдвэрлэх хүчин чадалтай БКЗ-420-140-10С (ОХУ) маркын 2 зуух;

• “ДЦС-4” ТӨХК нь төвийн бүсийн цахилгаан эрчим хүчний 58,7%, Улаанбаатар хотын дулааны эрчим хүчний хэрэглээний 54,8 %-г дангаар хангадаг Монгол Улсын эрчим хүчний хамгийн том үйлдвэр юм.
• Тус компанийн эзэмшилд захиргааны, ахуй үйлчилгээний, лабораторийн, үйлдвэрлэлийн, засварын зэрэг 66,7 га талбай бүхий 89 барилга, 174 байгууламж багтдаг.
• 2001 оны 8-р сараас Төрийн өмчийн Хувьцаат Компани болж, Монгол Улсын Засгийн Газрын 2018 оны 10 дугаар сарын 31-ний өдрийн 335 дугаар тогтоолоор эрчим хүчний салбарын төрийн өмчит компаниудын хувьцааны 70%-г Эрчим хүчний яам, 30%-г Төрийн өмчийн бодлого, зохицуулалтын газар эзэмшиж байна.
• Үйлдвэрлэл, технологийн 6 цех, механик боловсруулалтын 1 цех, Үйлдвэрлэлийн, Засварын, Судалгаа Хөгжлийн гэсэн техникийн 3 алба, Захиргаа хүний нөөцийн, Хяналтын, Борлуулалт маркетингийн гэсэн захиргааны 3 алба, Төлөвлөлт эдийн засгийн, Санхүү бүртгэлийн, Худалдан авах ажиллагааны, Нийгэм ахуйн гэсэн 4 хэлтэс, Төсөл хэрэгжүүлэх нэгж, Эмнэлэг, Зоогийн газар, Авто аж ахуй гэсэн нэгжүүдийн зохион байгуулалттай үйл ажиллагааны холимог бүтэцтэй ажил үйлчилгээ явуулдаг.
• 2020 оны байдлаар нийт 1473 ажиллагсадтай байгаагаас 301 ажилтан нь инженер техникийн ажилтан байна.

Эх сурвалж: ДЦС-4

The post Дулааны IV Цахилгаан Станц ТӨХК appeared first on Моно грид.

Төслийг барихад 18.000 сая еврогийн хөрөнгө оруулалт шаардлагатай байв. Энэхүү мега төсөл нь 1993 онд эхэлсэн бөгөөд 2012 онд баригдаж дууссан байна. Эрчим хүчний үйлдвэрлэлийг Хятадын Гурван хавцлын корпорацын (CTGC) бүртгэлтэй охин компани болох China Yangtze Power компани удирддаг. 

Одоогийн байдлаар тус станцын жилийн эрчим хүчний үйлдвэрлэл нь 2014 онд дэлхийн дээд амжилтыг 98,8 ТВт.ц-аар тогтоосноор Шанхай зэрэг есөн муж, хоёр хотыг цахилгаан эрчим хүчээр хангах боломжтой

Генераторууд: Үндсэн генераторууд тус бүр нь 6000 орчим тонн жинтэй бөгөөд 700 МВт-аас дээш эрчим хүч үйлдвэрлэх зориулалттай. 32 үндсэн, 2 ширхэг ‘Francis type’ нийт 34 генератортай. Генераторын статорын гадна диаметр нь 21.4/20.9 м. Дотоод диаметр нь 18.5/18.8 м. Энэ төрлийн хамгийн том статор нь 3.1/3 м өндөр юм. Даац нь 5,050/5,500 тонн. Дундаж үр ашиг нь 94% -иас дээш, 96.5% хүрдэг.Эдгээр 32 үндсэн генераторын 14-ийг далангийн хойд талд, 12-ыг урд талд, үлдсэн зургаа нь далангийн өмнөд ууланд байрлах гүний цахилгаан станцад суурилуулсан.

The post Дэлхийн хамгийн том усан цахилгаан станц appeared first on Моно грид.