Яагаад Шар Ногоон Улаан вэ?

Шар Ногоон Улаан өнгийг та бүхэн Улаанбаатар цахилгаан түгээх сүлжээ ТӨХК болон зарим ХХК-н лого дээр зөндөө харж байсан байх. Эдгээр өнгө нь зүгээр ч нэг дизайн биш бөгөөд цахилгаан систем дэх дамжуулагч утаснуудын өнгөний стандарт-тай шууд холбоотой юм.

Цахилгааны утаснуудыг зориулалтаар нь өнгөөр ялган тэмдэглэх нь:

✅ Аюулгүй ажиллагаа

✅ Найдвартай ажиллагаа

✅Стандартын нийцэл гэсэн гурван гол зарчмыг хангадаг.

Манай Монгол улсын хувьд 2003 оны 07 сараас мөрдөгдөж эхэлсэн БД 43-101-03 буюу “Монгол Улсын Цахилгаан Тоног Төхөөрөмжийн Байгууламжийн Дүрэм”-ийн 1.1.21 заалтын дагуу:

Гурван фазын хувьсах гүйдлийн хувьд: А фазын шинийг шар өнгөөр, В-г ногооноор, С-г улаанаар, ажлын нойлтуулгын шин (N)-ийг цэнхэр өнгөөр будах ба нойлын хамгаалалтын үүрэг гүйцэтгэх нөхцөлд шар ногоон өнгийн тууш зураас гаргаж тэмдэглэнэ.

ОХУ-ын стандарт (ГОСТ)

Оросын хувьд өмнө нь ГОСТ Р 50462-1992 стандартыг ашиглаж, шинийг А–шар, В–ногоон, С–улаан өнгөөр тэмдэглэдэг байв. Гэвч 2009 оноос эхлэн IEC 60445 олон улсын стандарттай нийцүүлж, ГОСТ Р 50462-2009-ийг баталсан. Шиний өнгө дараах байдлаар өөрчлөгдсөн:

• А фаз – бор
• В фаз – хар
• С фаз – саарал
• N – цэнхэр
• PE – шар-ногоон

ГОСТ Р 50462-2009 стандарт өөрчлөгдсөн ч, практик дээр хуучин тэмдэглэгээ өргөн хэрэглэгдсээр байгаа нь анзаарагддаг.

БД 43-101-03 буюу “Монгол Улсын Цахилгаан Тоног Төхөөрөмжийн Байгууламжийн Дүрэм” стандартыг ГОСТ Р 50462-1992 -ааүндэслэгдсэн юм.

БНХАУ-ын GB/T 6995.4-2008 стандартын дагуу:

• А фаз – улаан
• В фаз – шар
• С фаз – ногоон
• N – цэнхэр
• PE – шар-ногоон

Энэ нь тухайн орны уламжлалт тэмдэглэгээ, олон улсын IEC-ээс бага зэрэг ялгаатай.

Хүснэгтээр харьцуулж үзвэл:

Дүгнэлт:
Цахилгаан угсралт болон ашиглалтад оролцож буй инженер, техникчид төрөл бүрийн стандартын ялгааг ойлгож, тухайн төсөлд тохирох стандартын дагуу зөв тэмдэглэгээ хийх нь амь нас, эд хөрөнгийн аюулгүй байдалд шууд хамааралтай.